ചെലവ് കുറവ്, ഗുണം ഡബിൾ! ചിതലും ഈർപ്പവുമില്ലാത്ത ഈ 'മോഡേൺ അടുക്കള' കേരളത്തിൽ തരംഗമാകുന്നു

അലൂമിനിയം കോമ്പോസിറ്റ് പാനലുകൾ (ACP) ഉപയോഗിച്ചുള്ള ഈ അടുക്കളകൾ വീടിന് നൽകുന്നത് ഒരു 'ക്ലാസിക് ലുക്ക്' ആണ്. ഒറ്റനോട്ടത്തിൽ തന്നെ കണ്ണിലുടക്കുന്ന സൗന്ദര്യം മാത്രമല്ല, ദീർഘകാലാടിസ്ഥാനത്തിലുള്ള ചെലവ് നോക്കിയാലും ഇവ വളരെ ഗുണകരമാണ്. ഉപഭോക്താവിന്റെ ഇഷ്ടത്തിനും വീടിന്റെ തീമിനും അനുസരിച്ച് അടുക്കളയുടെ പാറ്റേൺ തിരഞ്ഞെടുക്കാം എന്നത് ഇതിന്റെ ഒരു പ്രധാന സവിശേഷതയാണ്.

വീട് മാറുമ്പോൾ ഇവ അനായാസം അഴിച്ചുമാറ്റി പുതിയ സ്ഥലത്തേക്ക് കൊണ്ടുപോകാം.തടിയെപ്പോലെ ചിതലരിക്കില്ല, ഈർപ്പം പ്രശ്നമാകുന്നില്ല.അടപ്പുകൾ ചേരാതെ വരിക, ഫ്രെയിമുകൾക്ക് രൂപമാറ്റം സംഭവിക്കുക തുടങ്ങിയ തടി കൊണ്ടുള്ള കിച്ചനുകളുടെ ന്യൂനതകൾക്കും ഇവിടെ സ്ഥാനമില്ല.

അടുക്കളയിലെ സ്ഥലത്തിന്റെ സാധ്യതകൾ പരമാവധി ഉപയോഗപ്പെടുത്തിയാണ് അലൂമിനിയം കിച്ചനുകൾ രൂപകൽപ്പന ചെയ്യുന്നത്. സ്ഥലപരിമിതിയെ മറികടക്കാൻ സഹായിക്കുന്ന L ഷേപ്പ് കിച്ചനുകൾ.അടുക്കളയ്ക്ക് കൂടുതൽ വലുപ്പം തോന്നിക്കുന്ന U ഷേപ്പ് കിച്ചനുകൾ. ഇതുകൂടാതെ ഐലൻഡ് കിച്ചൻ സജ്ജീകരണങ്ങളുടെ ഭാഗമായും ഇവ ഉപയോഗിക്കാം. പണി പൂർത്തിയായ വീടുകളിൽ പോലും അലൂമിനിയം കിച്ചൻ എളുപ്പത്തിൽ സ്ഥാപിക്കാം എന്നൊരു സൗകര്യമുണ്ട്. ഇതിനായി പ്രത്യേകം സ്ലാബുകൾ നിർമ്മിക്കേണ്ട ആവശ്യമില്ല, അടുക്കളയ്ക്കുള്ള സ്ഥലം ഉണ്ടായാൽ മാത്രം  മതി. ഗ്രാനൈറ്റ്  കൗണ്ടർടോപ്പുകൾ

ചുരുക്കത്തിൽ, സൗകര്യത്തിന്റെയും സൗന്ദര്യത്തിന്റെയും കാര്യത്തിൽ ഒരു വിട്ടുവീഴ്ചയുമില്ലാത്ത ആധുനിക അടുക്കള സ്വപ്നം കാണുന്നവർക്ക് അലൂമിനിയം കിച്ചനുകൾ ഒരു അനുഗ്രഹമാണ്.