ഭൂമി ഇടപാടിൽ നഷ്ടം വന്നാൽ എന്ത് ചെയ്യും? വിൽക്കുന്നവരും വാങ്ങുന്നവരും ഉറപ്പായും ശ്രദ്ധിക്കേണ്ട കാര്യങ്ങൾ

എന്തൊക്കെ സാമ്പത്തിക പ്രതിസന്ധികൾ വന്നുപോയി എന്ന് പറഞ്ഞാലും  നമ്മുടെ നാട്ടിൽ ഇന്നും ഒരു മങ്ങലും ഇല്ലാതെ നിൽക്കുന്ന ഒരു ക്രയവിക്രയ രംഗമാണ് ഭൂമി കച്ചവടം.  പണത്തിന് ആവശ്യമുള്ളപ്പോൾ വിൽക്കുന്നതിനും ലാഭകരം എന്ന് തോന്നുമ്പോൾ വാങ്ങുന്നതിനും  സുരക്ഷിത നിക്ഷേപമായി ഭാവിയിലേക്ക്  ഒരു മുതൽക്കൂട്ടാക്കുന്നതിനുമെല്ലാം  ആളുകൾ ഭൂമിയെയാണ് ഇന്ന് ഏറ്റവും കൂടുതൽ ആശ്രയിക്കുന്നത്.

 എന്നാൽ റിസ്ക് കുറവ് എന്ന് കണക്കാക്കുമ്പോഴും ശ്രദ്ധിക്കാതെ നടത്തുന്ന ചില ഇടപാടുകൾ വലിയ സാമ്പത്തിക നഷ്ടങ്ങളിലേക്കും വഴിവയ്ക്കാറുണ്ട്. അതുകൊണ്ടുതന്നെ ഭൂമി കൈമാറ്റം ചെയ്യുമ്പോഴും പുതിയത് വാങ്ങുമ്പോഴും പ്രധാനമായും ശ്രദ്ധിക്കേണ്ട കാര്യങ്ങൾ എന്തൊക്കെയെന്ന് നോക്കാം

വിൽപനയ്ക്ക് വയ്ക്കുന്ന പ്രോപ്പർട്ടിയുടെ കൃത്യമായ സെല്ലിങ് പോയിന്റ് ഉടമസ്ഥർക്ക് മനസ്സിലാക്കാനും അതുവഴി ഇടപാട് വേഗത്തിലും ലാഭത്തിലും നടത്താനും ഗവേഷണം സഹായിക്കും.