വീടിനൊരു മേക്ക്ഓവർ ആയാലോ? കേരളത്തിൽ തരംഗമാകുന്ന "ഡീപ് ക്ലീനിംഗ് സർവീസ്" ഏജൻസികളെ വീട് ഏൽപ്പിക്കും മുൻപ് അറിയേണ്ടതെല്ലാം

സ്വന്തം ശരീരസംരക്ഷണം പോലെ തന്നെ വീടും പരിസരവും വൃത്തിയായി സൂക്ഷിക്കുവാൻ ഇഷ്ടമുള്ളവരാണ് മലയാളികൾ. എന്നാൽ ഒന്നിനും സമയം തികയാത്ത തിരക്കിട്ട ജീവിതത്തിന്റെ ഈ കാലഘട്ടത്തിൽ, നമ്മുടെ വീടുകൾക്ക് ആവശ്യമായ ശ്രദ്ധ നൽകാൻ പലപ്പോഴും സമയം കിട്ടാറില്ല എന്നതാണ് വാസ്തവം.ജോലി കഴിഞ്ഞ് വരുമ്പോഴേക്കും ക്ഷീണിക്കുന്ന യുവതലമുറ, ഒറ്റപ്പെട്ടുപോയ മാതാപിതാക്കൾ, വർഷങ്ങളായി പൂട്ടിയിട്ടിരിക്കുന്ന പ്രവാസി വീടുകൾ ഇവയുടെ ഒക്കെ ബാക്കിപത്രമായി കിട്ടുക പൊടിപിടിച്ച് അടുക്കുംചിട്ടയും ഇല്ലാതെ കിടക്കുന്ന വീടുകൾ ആയിരിക്കും.  

ഈ സാഹചര്യത്തിലാണ്, ഒന്ന് താക്കോൽ ഏൽപ്പിച്ചാൽ വീടിന്റെ മുക്കും മൂലയും പോലും കഴുകി വെടിപ്പാക്കി തിരികെ നൽകുന്ന 'ഡീപ് ക്ലീനിംഗ് സർവീസുകൾ' പ്രസക്തമാകുന്നത്.

വീടിന്റെ വലുപ്പവും (ഏകദേശം 1200 ചതുരശ്ര അടി വീടിന് 4 മണിക്കൂർ), വൃത്തിയാക്കേണ്ട രീതിയും അനുസരിച്ചാണ് സമയവും ചെലവും നിശ്ചയിക്കുന്നത്. പരമാവധി 12 മണിക്കൂറിനുള്ളിൽ വീടിന് ഒരു സമ്പൂർണ്ണ 'മേക്ക് ഓവർ' നൽകാൻ ഈ ഏജൻസികൾക്ക് സാധിക്കും.

വീട് വൃത്തിയാക്കാനായി ഏജൻസികളെ ഏൽപ്പിക്കും മുൻപ് ചില കാര്യങ്ങൾ ശ്രദ്ധിക്കുന്നത് നിങ്ങളുടെ വിലയേറിയ വസ്തുക്കൾക്ക് കേടുപാടുകൾ സംഭവിക്കാതെ സംരക്ഷിക്കാൻ സഹായിക്കും.

വർഷത്തിലൊരിക്കലെങ്കിലും വീടിന് ഒരു പുതുജീവൻ നൽകാനോ, അല്ലെങ്കിൽ വാടകയ്ക്ക് കൊടുക്കുന്നതിന് മുൻപ് ആകർഷകമാക്കാനോ ഇന്ന് ഡീപ് ക്ലീനിങ് സർവീസുകൾ പ്രയോജനപ്പെടുത്താം. കേരളത്തിലെ എല്ലാ നഗരങ്ങളിലും ഈ സേവനങ്ങൾ ഇപ്പോൾ ലഭ്യമാണ്. വീട്ടുടമകളുടെ ആവശ്യത്തിനനുസരിച്ച് സർവീസുകൾ കസ്റ്റമൈസ് ചെയ്തെടുക്കാനുള്ള സൗകര്യവും ഉണ്ട്.